Молитвы охранительные и защитные

Господи Иисусе Христе, Сыне Божий, помилуй мя, грешного!

Или кратко:

Господи, помилуй!

* * *

Скоро предвари, прежде даже не поработихомся врагом Твоим, хулящим Тя и претящим нам, Христе Боже наш: погуби Крестом Твоим борющие нас, да уразумеют, како может православных вера, молитвами Богородицы, Едине Человеколюбче.

* * *

Возбранный Воеводо и Господи, ада Победителю! Яко избавлься от вечныя смерти, похвальная восписую Ти, создание и раб Твой; но яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя!

Молитва Кресту Животворящему

Да воскреснет Бог, и расточатся врази Его, да бежат от лица Его ненавидящие Его; яко исчезает дым, да исчезнут, яко тает воск от лица огня, тако да погибнут беси от лица любящих Бога, и знаменующихся крестным знамением, и в веселии глаголющих: Радуйся, Пречестный и Животворящий Кресте Господень, прогоняяй бесы силою на тебе пропятого Господа нашего Иисуса Христа, во ад сшедшаго и поправшаго силу диаволю и даровавшего нам тебе, Крест Свой Честный, на прогнание всякого супостата. О Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.

Псалом 90 (Живые помощи)

Живый в помощи Вышняго, в крове Бога Небеснаго, водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тебя от сети ловчи, и от словесе мятежна, плещма Своима осенит тя, оружием обыдет тя истина Его. Не убоишися от страха нощнаго, от стрелы, летящия во дни, от сряща, и беса полуденного. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя на всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: и покрою и, яко позна имя Мое. Воззовет ко Мне, и услышу его: с ним есть в скорби; изму его и прославлю его, долготою дней исполню его и явлю ему спасение Мое.

Молитва Архистратигу Михаилу

Господи Боже Великий, Царю Безначальный! Пошли Архангела Своего Михаила на помощь мне, рабу Твоему (имярек), изъяти мя от враг моих всех, видимых и не видимых. О, Пречудный Господень Архангеле Михаиле, излей мира благого на раба своего (имярек), молящегося тебе и призывающего имя твое святое. О, услыши молитву мою и ускори на помощь мою, о пречудный Господень Архангеле Михаиле шестокрылатый, первый княже, воеводе небесных сил, херувим и серафим, демонов сокрушитель, запрети всем врагам моим, борющимся со мною, сотвори их, яко овцы и развей их яко прах пред лицем ветра. О пречудный Господень Архангеле Михаиле, буди мне великий помощник во всем: в обидах, скорбях, печалях, в пустынях, на реках и на море буди мне тихое пристанище, избави мя, раба Твоего, от всякия прелести диавольския. О пречудный Господень Архангеле Михаиле, победи вся противящаяся мне силою Честнаго Животворящего Креста Господня, молитвами Пресвятыя Богородицы и святых Апостолов, святого пророка Божия Илии, святителя Николая Мир Ликийских чудотворца, святых великомучеников Никиты и Евстафия, преподобных Сергия, Серафима и Трифона, святителей Стефана и Иосасафа, всех мучеников и мучениц и всех святых небесных сил. О пречудный Господень Архангеле Михаиле, избави мя от труса, потопа, огня, меча и напрасныя смерти, от врага льстиваго, от бури наносной и от лукавого избави мя навсегда, ныне и присно, и во веки веков. Аминь.